କ୍ରାନ୍ତିଖଡୁ ନ୍ୟୁଜ ‐ ସରକାର କା ମାଲ୍ ଦରିଆ ମେ ଡାଲ୍।ଗଛ ହେଉଛି ଏକ ବିଶୁଦ୍ଧ ଅମ୍ଳଜାନ ପ୍ରସ୍ତୁତକାରୀ | ତା ଛଡା ଗଛ ଯୋଗୁଁ ବାତ୍ୟା ବନ୍ୟା ଭଳି ବିପର୍ଯ୍ୟୟର ପ୍ରତିହତ ହୋଇପାରିଥାଏ | ଉପକୁଳବର୍ତ୍ତୀ ଅଞ୍ଚଳକୁ ବାତ୍ୟା ବନ୍ୟାରୁ ରଖ୍ୟା ପାଇଁ ସରକାର କେତେ ଯେ ପଦକ୍ଷେପ ନେଉଛନ୍ତି ତାହାର ବିସାବ ନାହିଁ | କିନ୍ତୁ ସରକାରଙ୍କର ଏହି ପଦକ୍ଷେପ ସରକାରୀ ବାବୁମାନଙ୍କ ପାଇଁ ସୁବର୍ଣ୍ଣ ସୁଯୋଗ କହିଲେ କିଛି ବି ଭୁଲ୍ ହେବନି | କାହିଁକି ନା ସରକାର କା ମାଲ୍ ଦରିଆ ମେ ଡାଲ୍ | ରାଧେ ରାଧେ ତୋର ଅଧେ କୁ ମୋର ଅଧେ ନୀତିରେ ଚାଲିଛି କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଲକ ସରକାରୀ କଳ | ସରକାର ଜଙ୍ଗଲ ସୃଷ୍ଟି କରୁଥିବାର ନାରା ଦେଇ ବାହାବା ନେବାକୁ ଚେଷ୍ଟା କରୁଛନ୍ତି ମାତ୍ର ତାହା କିପରି ବାଟମାରଣା ହେଉଛି ତାହା ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଲକରେ | ଆବାସ ଯୋଜନା ହେଉ କି ରାସନ କାର୍ଡ, ସବୁଥିରେ ଦୂର୍ନୀତି କରିବାରେ ମହାକାଳପଡା ବ୍ଲକର ସରକାରୀ ବାବୁମାନେ ମାହିର | କେନ୍ଦ୍ରାପଡା ଜିଲ୍ଲା ମହାକାଳପଡା ବ୍ଲକରେ ସରକାରୀ ଅର୍ଥକୁ କିପରି ହରିଲୁଟ କରାଯାଉଛି ତାହାର ଦୃଶ୍ୟ ନିଜ ଆଖିରେ ନ ଦେଖିଲେ ବିଶ୍ୱାସ କରି ହେବନି | ମହାକାଳପଡା ପଞ୍ଚାୟତ ସମିତିର ବଉଳକଣୀ ଗ୍ରାମ ପଞ୍ଚାୟତ ଅନ୍ତର୍ଗତ ଜମ୍ବୁ ମାର୍ଶାଘାଇ କେନାଲର ୨୭ ନମ୍ବର ବ୍ରାଞ୍ଚ ହରିମଣ୍ଡଳ ଘର ଠାରୁ ଲୁଣାଘେରି ପର୍ଯ୍ୟନ୍ତ ଜାତୀୟ ଗ୍ରାମ୍ୟ ନିଶ୍ଚିତ କର୍ମ ନିଯୁକ୍ତି ଯୋଜନାରେ ଚାରି ଲକ୍ଷ ଛପନ ହଜାର ଅଠାଅଶୀ ଟଙ୍କା ବ୍ୟୟ ଅଟକଳରେ ୨୦୨୦-୨୧ ଆର୍ଥିକ ବର୍ଷରେ ବୃକ୍ଷ ରୋପଣ କରାଯାଇଥିବା ସୁଚନା ଅଛି ମାତ୍ର ଏହି ଯୋଜନା କିପରି କାର୍ଯ୍ୟକାରୀ ହୋଇଛି ତାହା ଭଲଭାବେ ଦେଖନ୍ତୁ | ନା ଅଛି ବୃକ୍ଷ, ନା ଅଛି ବାଡବତା | ଏମିତିକି କେଉଁଠି ଗଛ ଲଗାଯାଇଛି ତାହାର କିଛି ବି ଚିହ୍ନ ନାହିଁ | ଏମିତି ଏକ ଦୁର୍ନୀତି ହୋଇଥିଲେ ମଧ୍ୟ ସମସ୍ତେ ଚୁପ୍ ରହିବା ସନ୍ଦେହ ସୃଷ୍ଟି କରୁଛି। କେନ୍ଦ୍ରାପଡ଼ାରୁ ସୁରେନ୍ଦ୍ର ଜେନା ଓ ସୁକାନ୍ତ ମହାପାତ୍ର ଙ୍କ ରିପୋର୍ଟ, କ୍ରାନ୍ତିଖଡୁ ।