କ୍ରାନ୍ତିଖଡୁ ନ୍ଯୁଜ‐ନାବାଳିକାଙ୍କ ଫଟୋ ଭାଇରାଲ କରି ଅଭିଯୁକ୍ତ ଗିରଫ( ଏନ.ରବିଙ୍କ ରିପୋର୍ଟ)ମାଲକାନଗିରି ,ପଡିଆ: ନାବାଳିକାଙ୍କ ଆପତ୍ତିଜନକ ଫୋଟ ଭାଇରାଲ୍ କରି ଜଣେ ଯୁବକ ଗିରଫ ହୋଇଛି । ଅଭିଯୁକ୍ତ ଜଣକ ମାଲକାନଗିରି ଜିଲ୍ଲା ପଡ଼ିଆ ବ୍ଲକ ଅନ୍ତର୍ଗତ ଏମଭି-୬୨ ଗ୍ରାମର ବୋଲି ଜଣାପଡ଼ିଛି । କାଲିମେଳା ଥାନାରୁ ମିଳିଥିବା ସୂଚନା ଅନୁଯାୟୀ, ଅଭିଯୁକ୍ତ ଯୁବକ ଦୁଇ ବର୍ଷ ପୂର୍ବେ ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ମିଳିଥିବା ଜଣେ ବ୍ୟକ୍ତିଙ୍କ ଘରକୁ ବିଦ୍ୟୁତ ସଂଯୋଗ କରିବାକୁ ଯାଇଥିଲେ । ଏହି ସୁଯୋଗରେ ସେହି ବ୍ୟକ୍ତିଙ୍କ ଦୁଇ ନାବାଳିକା ଝିଅଙ୍କ ସହ କେତେକ ଆପତ୍ତିଜନକ ଫଟୋ ଉଠାଇଥିଲେ । ସେହି ଫଟୋଗୁଡ଼ିକୁ ସେ ନିଜ ମୋବାଇଲ ଫୋନରେ ରଖିଥିଲେ । ପରେ ଅଭିଯୁକ୍ତ ଯୁବକ ଦୁଇ ନାବାଳିକାଙ୍କ ମଧ୍ୟରୁ ବଡ଼ ଉଭଣୀକୁ ଏକ ମୋବାଇଲ ଫୋନ୍ ଦେଇଥିଲା । ଆଉ ଏଥିପାଇଁ କିଛି ସ୍ୱାର୍ଥ ହାସଲ କରିବାକୁ ଚାହିଁଥିଲା । ତେବେ ନାବାଳିକା ଜଣକ ଏଥିରେ ରାଜି ନ ହେବାରୁ ଅଭୁଯୁକ୍ତ ତାକୁ ବ୍ଲାକମେଲ କରିବା ପାଇଁ ସେହି ଆପତ୍ତିଜନକ ଫଟୋକୁ ଭାଇରାଲ କରି ଦେଇଥିଲା । ଏହି ଘଟଣା ଜଣାପଡିବା ପରେ ଉକ୍ତ ନାବାଳିକାଙ୍କ ପରିବାର କାଲିମେଳା ଥାନାରେ ଲିଖିତ ଅଭିଯୋଗ କରିଥିଲେ । ଆଉ ଏହି ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ସୁପ୍ରଭାତକୁ ଗିରଫ କରି ମାମଲାର ତଦନ୍ତ ଜାରି ରଖିଛି ।