kranti khadu news-ସ୍ମାର୍ଟ ହେବାକୁ ସଜ ହେଉଛି ବିଦ୍ୟାଳୟ(ରିଙ୍କୁ ଦେବତା ଙ୍କ ରିପୋର୍ଟ)ଶିକ୍ଷାନୁଷ୍ଠାନ ମାନଙ୍କ ରେ ଉନ୍ନତ ଶିକ୍ଷା ଓ ଛାତ୍ର ଛାତ୍ରୀ ଙ୍କୁ ଆକୃଷ୍ଟ କରିବା ପାଇଁ ସରକାର ସ୍କୁଲ ରୂପାନ୍ତର କାର୍ଯ୍ୟକୁ ଏବେ ଫୋକସ ରେ ରଖିଛନ୍ତି। ଏଥିପାଇଁ ସ୍ମାର୍ଟ କ୍ଳାସ ସହିତ ସ୍ମାର୍ଟ ହେବ ସ୍କୁଲ ଏବଂ ସ୍ମାର୍ଟ ହେବେ ଛାତ୍ର ଛାତ୍ରୀ।ସେହି ଲକ୍ଷ ରେ ଏବେ ଗାଇସିଲେଟ ବ୍ଲକର ଅନ୍ତର୍ଗତ ଗୁଦେରପାଲି ବାପୁଜୀ ଉଚ୍ଚ ବିଦ୍ୟାଳୟ ସ୍ମାର୍ଟ ହେବା ପାଇଁ ସଜ ହେଉଛି। ଏଥିରେ ଦୁଇଟି ସ୍ମାର୍ଟ କ୍ଳାସ, ଗୋଟିଏ ବିଜ୍ଞାନ ପରୀକ୍ଷାଗାର ଏବଂ ଗୋଟିଏ ଇ-ଲାବ୍ରୋଟାରୀ ଗୃହ ନିର୍ମାଣ ହେଉଛି।ଆଉ ଅଳ୍ପ ଦିନ ଭିତରେ ସମସ୍ତ କାର୍ଯ୍ୟ ସଂପୂର୍ଣ୍ଣ ହେବ ବୋଲି ସ୍କୁଲ ପରିଚାଳନା କମିଟି ପକ୍ଷରୁ ସୂଚନା ମିଳିଛି। ଏହି ପରିପ୍ରେକ୍ଷୀରେ ସ୍କୁଲ ପରିସରରେ ଥିବା ଗାନ୍ଧୀ ଉଦ୍ୟାନ ଛାତ୍ର ଛାତ୍ରୀ ଙ୍କ ସହ ଅଭିଭାବକ ଙ୍କ ମନମୋହୁଛି। ଶନିବାର ସମାଜ ସେବୀ କିଶୋର ଚନ୍ଦ୍ର ଦେବତା ବିଦ୍ୟାଳୟ ପରିସରରେ ଚାଲୁଥିବା ସମସ୍ତ କାର୍ଯ୍ୟ କୁ ପରିଦର୍ଶନ କରିଥିଲେ।