ପୁଅର କୋଦାଳ ପ୍ରହାରରେ ବାପା ଗୁରୁତର ।ଏନ.ରବି ଙ୍କ ରିପୋର୍ଟ: ମାଳକାନଗିରିପଡିଆ- ବାପା ପୁଅ ମଧ୍ୟରେ ପାରିବାରିକ ସମସ୍ୟାକୁ ନେଇ ଚାଲିଥିଲା ପାଟିତୁଣ୍ଡ । ଏତିକି ବେଳେ ପୁଅ ହାଠାତ୍ ରାଗିଯାଇ ପାଖରେ ଥିବା କୋଦାଲରେ ବାପା ଙ୍କୁ ମାରଣାନ୍ତକ ଆକ୍ରମଣ କରିଥିଲା । ଫଳରେ ବାପା ଗୁରୁତର ଆହତ ହୋଇଛନ୍ତି । ତେବେ ବାପା ସେଠାରୁ ସେ ଦୈଡି ପଳାଇବାରୁ ନିଜ ଜୀବନକୁ ବଞ୍ଚାଇ ପାରିଥିଲେ । ଆଜି ଏଭଳି ଏକ ଘଟଣା ଦେଖିବାକୁ ମିଳିଥିଲା ପଡିଆ ବ୍ଳକ ଅନ୍ତର୍ଗତ କାଲଦାପାଲ୍ଲି ପଞ୍ଚାୟତର କୃତ୍ତି ଗ୍ରାମରେ । ସୂଚନା ଅନୁସାରେ , କୃତ୍ତି ଗ୍ରାମରେ ସୁଶିଲ ମିତ୍ର ନାମକ ଜଣେ ବ୍ୟକ୍ତି ଘରେ ନିଜ ପୁଅ ସୁଦୀପ ମିତ୍ର ସହ ପାରିବାରିକ ସମସ୍ୟାକୁ ନେଇ ଆଲୋଚନା କରୁଥିବା ବେଳେ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏତିକି ବେଳେ ପୁଅ ହାଠାତ୍ ରାଗିଯାଇ ପାଖରେ ଥିବା କୋଦଲରେ ବାପା ଙ୍କୁ ମାରଣାନ୍ତକ ଆକ୍ରମଣ କରିଥିଲା । ତେବେ ସୁଶିଲ କୋୖଣସି ପ୍ରକାର ସେଠାରୁ ଖସି ପଡୋଶୀ ଘରକୁ ପଳାଇବାରୁ ନିଜ ଜୀବନକୁ ବଞ୍ଚାଇ ପାରିଥିଲେ । ଏହାପରେ ସୁଶିଲକୁ ରକ୍ତାକ୍ତ ଅବସ୍ଥାରେ ପରିବାର ଲୋକେ ପଡିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ । ସନ୍ଧ୍ୟା ବେଳକୁ ସୁଶିଲ ଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବା ବେଳେ ପୀଡ଼ିତଙ୍କ ପୁଅ ସୁଦୀପ ମାନସିକ ସନ୍ତୁଳନ ହରାଇ ଏଭଳି କାଣ୍ଡ ଘଟାଇଥିବା ସ୍ବୀକାର କହିଥିଲା । ଏ ନେଇ ଖବର ପାଇବା ପରେ ଏମ୍ ଭି- ୭୯ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡୁଛି ।