କ୍ରାନ୍ତିଖଡୁ ନ୍ୟୁଜ ‐ରାଷ୍ଟ୍ରୀୟ ମଧ୍ୟବିତ୍ତ ପରିବାର ମହାସଂଘ ପକ୍ଷରୁ ପ୍ରଧାନମନ୍ତ୍ରୀ ଙ୍କ ଉଦ୍ଦେଶ୍ୟରେ ସ୍ମାରକ ପତ୍ର ପ୍ରଦାନ, ସରକାର ଧନୀ ଗୋଷ୍ଠୀର ଲୋକଙ୍କ ପାଇଁ ବିଭିନ୍ନ ସମୟରେ ଅର୍ଥନୈତିକ ପ୍ରୋତ୍ସାହନ ଯୋଗେଇ ଦେଉଥିବା ବେଳେ ଗରିବ ସୀମାରେଖା ତଳେ ଥିବା ଲୋକଙ୍କ ସୁରକ୍ଷା ପାଇଁ ସଦା ତତ୍ପର ହେଉଛନ୍ତି । କିନ୍ତୁ ଏହି ପ୍ରକ୍ରିୟା କରଣ ମଧ୍ୟରେ ଆର୍ଥିକ ସୁରକ୍ଷା ଓ ସାମାଜିକ ସମାନତା କ୍ଷେତ୍ରରେ ଅବହେଳିତ ହେଉଛନ୍ତି ମଧ୍ୟବିତ୍ତ । ଏହି ପରିପ୍ରେକ୍ଷୀରେ ଆଜି ରାଷ୍ଟ୍ରୀୟ ମଧ୍ୟବିତ୍ତ ପରିବାର ମହାସଂଘ ଜୋନାଲ କମିଟି ପକ୍ଷରୁ ମଧ୍ୟବିତ୍ତ ପରିବାରଙ୍କ ମୌଳିକ ସମସ୍ୟା ସମାଧାନ ପାଇଁ ପ୍ରଧାନମନ୍ତ୍ରୀ ଙ୍କ ଉଦ୍ଦେଶ୍ୟରେ ସମ୍ବଲପୁର ଉତ୍ତରାଞ୍ଚଳ ରାଜସ୍ୱ କମିଶନର ଙ୍କ ଜରିଆରେ ଏକ ୧୨ଦଫା ଦାବି ସମ୍ବଳିତ ସ୍ମାରକ ପତ୍ର ପ୍ରଦାନ କରାଯାଇଥିଲା I ଏଥିରେ ସଙ୍ଘର ରାଷ୍ଟ୍ରୀୟ ଅଧ୍ୟକ୍ଷ ପ୍ରଦୀପ ମିଶ୍ର, ରାଷ୍ଟ୍ରୀୟ ଉପ ସଭାପତି ତଥା ପଶ୍ଚିମ ଓଡିଶା ପ୍ରଭାରୀ ଗୋପୀନାଥ ସାହୁ, ରାଜ୍ୟ ସମ୍ପାଦକ ହରେକୃଷ୍ଣ ପାତ୍ର, ଝାରସୁଗୁଡା ଜିଲ୍ଲା ସଭାପତି ରବୀନ୍ଦ୍ର ସାହୁ, କାର୍ଯ୍ୟକାରିଣୀ ସଦସ୍ୟ ମହମଦ ଅକତର ସମେତ ସଂଗଠନର ଅନେକ କାର୍ଯ୍ୟକର୍ତ୍ତା ଅଂଶ ଗ୍ରହଣ କରିଥିଲେ I