ସରକାରୀ ବଳିକା ଉଚ୍ଚ ବିଦ୍ୟାଳୟ ପରିସର ରେ ବରପୁତ୍ରଙ୍କର ପ୍ରତିମୂର୍ତ୍ତି ଉନ୍ମୋଚିତ : ପଦ୍ମପୁର(ରିଙ୍କୁ ଦେବତା)- ବରପୁତ୍ର ମାନେ ଆମ ସମାଜ ର ସମ୍ପତ୍ତି ଅଟନ୍ତି।ସେ ମାନଙ୍କର ଦର୍ଶନ ହିଁ ସମାଜ କୁ ସତପଥ ରେ ଚାଲିବା ପାଇଁ ପ୍ରେରଣା ଯୋଗାଇ ଦେଇଥାଏ। ଏହି ଉକ୍ତି ର ସତ୍ୟତା ପ୍ରତିପାଦନ କରିବା ପାଇଁ ପୂର୍ବତନ ପ୍ରଧାନ ଶିକ୍ଷୟତ୍ରୀ ତଥା ବର୍ତମାନ ବରଗଡ ର ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତୀ ସେବାଶ୍ରୀ ଭୋଇ ଙ୍କ ପ୍ରେରଣା ରେ ସରକାରୀ ବାଳିକା ଉଚ୍ଚ ବିଦ୍ୟାଳୟ, ପଦ୍ମପୁର ପରିସର ରେ ଚାରି ଜଣ ବରପୁତ୍ର ଯଥା ସ୍ୱଭାବ କବି ଗଙ୍ଗାଧର ମେହେର, ଜାତିର ପିତା ମହାତ୍ମା ଗାନ୍ଧୀ,ଶିକ୍ଷାବିତ ସର୍ବପଲ୍ଲୀ ରାଧାକୃଷ୍ଣନ ଓ ଅଗ୍ନି ମିସାଇଲ ର ଜନକ ତଥା ଭାରତ ର ରାଷ୍ଟ୍ରପତି ଅବଦୁଲ କଲାମ ଙ୍କ ପ୍ରତିମୂର୍ତ୍ତି ଶ୍ରୀଯୁକ୍ତ ସୁଶାନ୍ତ ସିଂ, ମାନ୍ୟବର କ୍ୟାବିନେଟ ମନ୍ତ୍ରୀ, ଶ୍ରମ ନିୟୋଜନ ଓ ଗ୍ରାମ୍ୟ ଉନ୍ନୟନ ବିଭାଗ, ଓଡିଶା ସରକାରଙ୍କ କରକମଳ ରେ ଉନ୍ମୋଚିତ ହୋଇଯାଇଛି। ତା ପରେ ଏକ କୃତ୍ରିମ ଝରଣା ର ଉଡ଼ଘାଟନ କରା ଯାଇଥିଲା। ଏହି ଅବସରରେ ଏକ ନିରାଡ଼ମ୍ବର ସଭା ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ଶ୍ରୀଯୁକ୍ତ ଗୋପାଳଜୀ ପ୍ରସାଦ ପାଣିଗ୍ରାହୀଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଥିଲା। ଏଥିରେ ବରିଷ୍ଠ ଗୋଷ୍ଠୀ ଶିକ୍ଷା ଅଧିକାରୀ,ବରଗଡ଼ ଶ୍ରୀମତୀ ସେବାଶ୍ରୀ ଭୋଇ , ପୂର୍ବତନ ଜିଲ୍ଲା ପରିଷଦ ସଭାପତି ବରଗଡ,ମନୋରଞ୍ଜନ ସିଂ ବରିହା, ଗୋବିନ୍ଦ ପ୍ରସାଦ ଅଗ୍ରୱାଲ, ବିଶିଷ୍ଠ ଶିକ୍ଷାବିତ ଟଂକଧର ଝାଙ୍କାର, ବିଶିଷ୍ଟ ସମାଜ ସେବୀ ସରସ୍ବତୀ ଭୋଇ, ଚେୟାର ପାର୍ସନ, ବିଦ୍ୟାଳୟ ପରିଚାଳନା କମିଟି ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ। ଶିକ୍ଷକ ପ୍ରେମାନନ୍ଦ ବେହେରା ଅତିଥି ପରିଚୟ ପ୍ରଦାନ କରିଥିଲେ।ବିଦ୍ୟାଳୟ ର ପୂର୍ବତନ ଶିକ୍ଷକ ବୃନ୍ଦବାନ ଦାଶ ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ। ମୁଖ୍ୟ ଅତିଥି ବର୍ତମାନ ଶିକ୍ଷା ର ସ୍ୱରୂପ ଓ ଆବଶ୍ୟକତା ଉପରେ ଆଲୋକପାତ କରିଥିଲେ ଓ ଶିକ୍ଷକ ମାନଙ୍କୁ ସମାଜ ଯେଉଁ ଗୁରୁ ଦାୟିତ୍ୱ ଦେଇଛି ତାକୁ ସୁଚାରୁ ରୁପେ ସମ୍ପାଦନ କରିବା ପାଇଁ ଉପଦେଶ ଦେଇଥିଲେ । ଏହି କାର୍ଯ୍ୟକ୍ରମ ରେ SMC Vice Chairperson ବିଶ୍ୱନାଥ ଦାଶ,ଶିକ୍ଷକ ଚିନ୍ତାମଣି ସାହୁ, ସୁରେଶ ଚନ୍ଦ୍ର ଚୌହାନ ଶିକ୍ଷୟତ୍ରୀ ଜ୍ୟୋତ୍ସ୍ନାରାଣୀ ସାହୁ, ମିନତୀ ଦାଶ, ନିଲିମାରାଣୀ ମହାନ୍ତି, ବିଦ୍ୟାଳୟ ର କିରାଣୀ ସୁଷମା ଦାଶ ଉପସ୍ଥିତ ଥିଲେ। ଦୁଷ୍ମନ୍ତ ଛତ୍ତର, ନନ୍ଦନୀ ବାଗ, କମଳା କୁମ୍ଭାର, ସୁଶୀଳା ବାଗ ସଭା କାର୍ଯ୍ୟ ରେ ସହାୟତା କରିଥିଲେ। ଶେଷରେ ସୁରେନ୍ଦ୍ର କୁମାର ଭୋଇ ଧନ୍ୟବାଦ ଦେଇଥିଲେ। ପରିଶେଷ ରେ ମୁଖ୍ୟ ଅତିଥି ATL labrotory ବୁଲି ଦେଖିଥିଲେ ଓ ଦାୟିତ୍ୱ ରେ ଥିବା ଶିକ୍ଷକ ଶ୍ରୀ ମାନସ ରଞ୍ଜନ ଶତପଥୀ ଙ୍କୁ ପ୍ରସଂଶା କରିଥିଲେ।