କ୍ରାନ୍ତି ଖଡୁ ନ୍ୟୁଜ -ପଲସାନି ରାସ୍ତା ରାସ୍ତା ନୁହେଁ ଗୁଲଗୁଲା ପସରା(ରିଙ୍କୁ ଦେବତା ଙ୍କ ରିପୋର୍ଟ) ଗ୍ରାମାଞ୍ଚଳକୁ ସହରାଞ୍ଚଳ ସହ ସିଧାସଳଖ ଯୋଡିବା ପାଇଁ ରାଜ୍ୟ ସରକାର ଗ୍ରାମ୍ୟ ଉନ୍ନୟନ ବିଭାଗ ଦ୍ଵାରା ପକ୍କା ସଡ଼କ ତିଆରି କରୁଛନ୍ତି । ପଞ୍ଚାୟତ ତରଫରୁ ମଧ୍ୟ ପକ୍କା ରାସ୍ତା ତିଆରି କରୁଛନ୍ତି । ସ୍ବାଧୀନତାର ଦୀର୍ଘ ଦିନ ପରେ ମଧ୍ୟ ଏବେ ବି ଏମିତି କିଛି ଗାଁ ରହିଛି ଯୋଉ ଯାଗାକୁ ଯାତାୟତ ପାଇଁ ଭଲ ରାସ୍ତା ନାହିଁ । ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ବୁକୁରାମୁଣ୍ଡା ପଞ୍ଚାୟତର ପଲସାନି ଗାଁ । ପ୍ରଶାସନିକ ଉଦାସୀନତା ହେଉ ଅବା ସ୍ଥାନୀୟ ଜନପ୍ରତିନିଧିଙ୍କ ଅବହେଳା କାରଣରୁ ଏହି ପଲସାନି ଗାଁ କୁ ଆଜି ପର୍ଯ୍ୟନ୍ତ ଗୋଟିଏ ପକ୍କା ରାସ୍ତା ତିଆରି ହୋଇପାରିନାହିଁ । ଖରା ଦିନରେ ତ କିଛି ମାତ୍ରାରେ ଚଲିଯାଏ । ହେଲେ ବର୍ଷା ସମୟ ଆସିଲେ ଅସରାଏ ବର୍ଷା ହେଲେ ରାସ୍ତାରେ ଚାଲିବା କଷ୍ଟକର ହୋଇଯାଏ । ଏହି ଗାଁରେ ଶହେରୁ ଉର୍ଦ୍ଧ୍ବ ପରିବାର ବସବାସ କରନ୍ତି । ଏଠାକାର ଲୋକମାନେ ଶିକ୍ଷା ସ୍ବାସ୍ଥ୍ୟ ତଥା ଅନ୍ୟାନ୍ୟ କାମ ପାଇଁ ବୁକୁରାମୁଣ୍ଡା ଉପରେ ନିର୍ଭର କରିଥାନ୍ତି । ହେଲେ ବର୍ଷା ଦିନ କାଦୁଅ ପଚପଚ ରାସ୍ତାରେ ଚାଲିବା କଷ୍ଟ ହୋଇଥାଏ । ଏଠାକାର ଜନସାଧାରଣ ବିଭିନ୍ନ ସମୟରେ ଜନପ୍ରତିନିଧି ତଥା ବିଭାଗୀୟ ଅଧିକାରୀଙ୍କୁ ଜଣାଇଥିଲେ ମଧ୍ୟ କୌଣସି ସୁବିଧା ହୋଇପାରିନାହିଁ । ଯାହା ଫଳରେ ଏହି ଗ୍ରାମବାସୀ ବର୍ଷା ଦିନ ବହୁ ସମସ୍ୟା ଭୋଗୁଛନ୍ତି । ପ୍ରଶାସନ ଏ ଗାଁକୁ ଏକ ପକ୍କା ରାସ୍ତା ତିଆରି କଲେ ଗ୍ରାମବାସୀ ଉପକୃତ ହୋଇ ପାରିବେ ।