କ୍ରାନ୍ତିଖଡୁ ନ୍ୟୁଜ ‐କୁଶମେଲଡୁଙ୍ଗୁରୀ ରେ ବୃକ୍ଷରୋପଣ(ରିଙ୍କୁ ଦେବତା ଙ୍କ ରିପୋର୍ଟ)ଗାଇସିଲଟ ବ୍ଳକ ଅନ୍ତର୍ଗତ ଚିଖିଲି ଗ୍ରାମ ପଞ୍ଚାୟତ ର କମଲପଦର ସ୍ଥିତ କୁଶମେଲ ଡୁଙ୍ଗୁରୀ ରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ତେଜରାଜ ସାହୁ ଙ୍କ ସଭାପତିତ୍ବରେ ଆୟୋଜିତ କାର୍ଯ୍ୟକ୍ରମରେ ଚାଷୀନେତା କିଶୋର ଚନ୍ଦ୍ର ଦେବତା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଜନସାଧାରଣ ଙ୍କୁ ଅକ୍ସିଜେନ ଯୋଗାଇବା, ଜନସାଧାରଣ ଙ୍କୁ ସାମାଜିକ ବନୀକରଣ ପାଇଁ ଉତ୍ସାହିତ କରିବା ଓ କୁଶମେଲ ଡୁଙ୍ଗୁରୀ କୁ ଏକ ପିକନିକ ସ୍ଥଳରେ ପରିବର୍ତ୍ତନ କରିବା ଲକ୍ଷ ନେଇ ଏହି ବୃକ୍ଷରୋପଣ କାର୍ଯ୍ୟକ୍ରମ ଆୟୋଜିତ କରାଯାଇଛି। ଡୁଙ୍ଗୁରୀ ଶିଖରରେ ବାବା ଗିରୀଗୋବର୍ଦ୍ଧନ ଙ୍କ ମନ୍ଦିର ରହିଛି ଏବଂ ଡୁଙ୍ଗୁରୀ ର ପାଦ ତଲେ ଘେଁସାଲି ନଦୀ ବୋହିଯାଇଛି। ୨୦୦ ଟି ଗଛ ଲଗାଯାଇଛି। ଏଥିରେ ଘେଁସ ବନ ବିଭାଗ ର ଫରେଷ୍ଟର ରମେଶ କୁମାର ପ୍ରଧାନ, ଆୟୁର୍ବେଦ ଚିକିତ୍ସକ ରାମଚନ୍ଦ୍ର ପାତ୍ର,ଭୀଷ୍ମଦେବ ପଣ୍ଡା ଙ୍କ ସମେତ କମଲପଦର ଗାଁ ର ସମସ୍ତ ଗ୍ରାମବାସୀ ସହଯୋଗ କରିଥିଲେ।