କ୍ରାନ୍ତିଖଡୁ ନ୍ୟୁଜ‐ନାଳରେ ପଡ଼ି ଚାଷୀ ଗଙ୍ଗା କବାସିଙ୍କର ମୃତ୍ୟୁ ପଡ଼ିଆ‌: ମାଲକାନଗିରି ଜିଲ୍ଲା ପଡିଆ ବ୍ଳକ ମାଟେରୁ ଗ୍ରାମ ପଞ୍ଚାୟତ ଅନ୍ତର୍ଗତ ଵାଟେନବାଡା ଗ୍ରାମର ଗଙ୍ଗା କଵାସି ନାମକ ଜଣେ ବ୍ୟକ୍ତି ନାଳରେ ଖସି ପଡ଼ି ମୁତ୍ୟବରଣ କରିଥିବା ଜଣାପଡିଛି । କହିବା ଅନୁଯାୟୀ ଏହି ଗ୍ରାମର ଗଙ୍ଗା କଵାସି ନାମକ ଜଣେ ବ୍ୟକ୍ତି ନିଜ ଜମିକୁ ଚାଷ କରିବା ପାଇଁ ଭୋର ସକାଳୁ ଉଭୟ ସ୍ବାମୀ ଓ ସ୍ତ୍ରୀ ବଳଦ ଯୋଡ଼ା ଧରି ବାହାରିଥିଲେ । ଦୁହେଁ ନିଜ ଚାଷ ଜମିକୁ ଯାଇଥିଲେ । ବାଟରେ କୋୖଣସି କାମରେ ଗଙ୍ଗା ସ୍ତ୍ରୀ ସାନି କଵାସୀ ଜଙ୍ଗଲ କୁ ଯାଇଥିବା ବେଳେ ସ୍ବାମୀ ଗଙ୍ଗା କଵାସି ଵଳଦ ଯୋଡ଼ାକୁ ଧରି ନିଜ ଚାଷ ଜମିକୁ ଲାଗି ରହିଥିବା ନାଳପାର ହେବା ବେଳେ ମୁଚ୍ଛା ରୋଗ ଥିବାରୁ ପାଣିରେ ବୁଡି ଯାଇ ମୁତ୍ୟୁବରଣ କରିଥିଲେ । କିଛି ସମୟ ପରେ ଗଙ୍ଗା କଵାସୀଙ୍କ ସ୍ତ୍ରୀ ନିଜ ଚାଷ ଜମିକୁ ଆସି ସ୍ବାମୀର ମୃତଦେହ ନାଳରେ ଭାସୁଥିବା ଦେଖି ଦାଦା ମନୋଜ କଵାସିଙ୍କୁ ଖବର ଦେଇଥିଲେ । ଏ ନେଇ ମନୋଜ କଵାସି ପଡିଆ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇ ପଡିଆ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଘଟଣା ସଂପର୍କରେ ପଡିଆ ଥାନାରେ ଅପମୃତ୍ୟୁ ମାମଲା ରୁଜୁ କରି ଗଙ୍ଗା କଵାସୀର ଶବ ଜବତ କରି କାଳିମେଳା ରେ ବ୍ୟବଚ୍ଛେଦ କରାଇବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିବା ପଡିଆ ଥାନା ଅଧିକାରୀ ପ୍ରଶାନ୍ତ କୁମାର ନିଶିକା କହିଛନ୍ତି । ଅନ୍ୟ ପଟେ ମୃତ ଗଙ୍ଗାଙ୍କର ୪ଟି ସନ୍ତାନ ଥିବାରୁ ସେମାନଙ୍କର ଭରଣପୋଷଣ ନେଇ ପରିବାର ଲୋକ ଚିନ୍ତା ପ୍ରକଟ କରିଛନ୍ତି ।