କ୍ରାନ୍ତି ଖଡୁ ନ୍ୟୁଜ-ହୁସିଆର ବସ୍ତି ଓ୍ବାଲେ..(ରିଙ୍କୁ ଦେବତା ଙ୍କ ରିପୋର୍ଟ)ଉତ୍ସାହ ଉଦ୍ଦିପନାର ସହ କୋଭିଡ କଟକଣା କୁ ଦୃଷ୍ଟିରେ ରଖି ଗାଇସିଲେଟ ବ୍ଲକ ଗୁଦେରପାଲି,ବେହେରାବାହାଲି ଗାଁ ରେ ଜନ୍ମାଷ୍ଟମୀ ପାଲିତ ହୋଇଯାଇଛି।ବ୍ରତଧାରୀ ମାନେ ବିଭିନ୍ନ ମନ୍ଦିର ମଣ୍ଡପରେ ବ୍ରତ ପାଳନ କରିଥିଲେ। ପଣ୍ଡିତ ତରଣୀ ସେନ ଦେବତା ଓ କୃଷ୍ଣ ଚନ୍ଦ୍ର ମିଶ୍ର ପୂଜାର୍ଚ୍ଚନା କରିଥିଲେ।ପୀଠରେ ହରିବଂଶ ପାଠ ସହ କୃଷ୍ଣ ଜନ୍ମ ଉତ୍ସବ ପାଳନ ହୋଇଥିଲା। ମାତୃତ୍ଵ ଏକ ଅମୃତ ଧାର କୁ ପାଥେୟ କରି ବ୍ରତ ଧାରୀ ମାନେ ପ୍ରଭୁ ଙ୍କୁ କ୍ଷୀର ଖୁଆଇଥିଲେ।ଏହି ପରିପ୍ରେକ୍ଷୀରେ ବେହେରାବାହାଲି ଗାଁ ରେ ହିରାଧର ପାତ୍ର ଙ୍କ ନିର୍ଦ୍ଦେଶନାରେ ଶିଶୁ କଲାକାର ମାନଙ୍କ ଦ୍ବାରା ଶ୍ରୀ କୃଷ୍ଣ ଜନ୍ମ ଏକ କ୍ଷୁଦ୍ର ନାଟକ ପରିବେଷଣ ହୋଇଥିଲା। ଏଥିରେ ଉଗ୍ରସେନ ଙ୍କ ବସ୍ତି ଓ୍ବାଲେ ହୁସିଆର ସଂଲାପ ରେ ଗାଁ କମ୍ପି ଉଠିଥିଲା। ଶିଶୁ କଲାକାର ରୋଶନ,ଆରିୟନ,ଅରଫ,ଲିଙ୍କନ, ଅଂଶୁମାନ,ଚିନ୍ମୟ, ସ୍ଵରୂପ ଓ ପ୍ରତ୍ୟୁଷ ଅଭିନୟ କରିଥିଲେ।