କ୍ରାନ୍ତି ଖଡୁ ନ୍ୟୁଜ-ଶତ୍ରୁତାକୁ କେନ୍ଦ୍ର କରି ନାବାଳକଙ୍କ ହତ୍ୟାକାଣ୍ଡ । ପଡିଆ-(ଏନ୍ ରବିଙ୍କ ରିପୋର୍ଟ) ମାଲକାନଗିରି ଜିଲ୍ଲା ର ଶିଖପାଲ୍ଲୀ ପଞ୍ଚାୟତ ଅନ୍ତର୍ଗତ ଏମ୍ଭି ୧୯ ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ପାଞ୍ଚ ବର୍ଷର ନାବାଳକ ଶିଶୁ କୁ ହତ୍ୟା କରିବା ପରେ ଶବ କୁ ନିଜ ଘର ଭିତରେ ଲୁଚାଇ ରଖିଥିଲେ ହତ୍ୟାକାରି । ଏମ୍ଭି ୧୯ ଗ୍ରାମର ନାବାଳକ ଅଙ୍କିତ ମଣ୍ଡଳ ଗତକାଲି ଠାରୁ ନିଖୋଜ ଥିଲେ ଏ ନେଇ ପରିବାର ଲୋକେ ଆଜି ମାଲକାନଗିରି ଆଦର୍ଶ ଥାନାରେ ଏତଲା ଦେଇଥିଲେ ତେବେ ଆଦର୍ଶ ଥାନା ଅଧିକାରୀ ରାମ ପ୍ରସାଦ ନାଗ ଙ୍କ ନିର୍ଦ୍ଦେଶ କ୍ରମେ ଗାଁ ରେ ପହଞ୍ଚିଥିଲେ ରଞ୍ଜନ କୁମାର ମାଝି ଆଡ଼ସିନାଲ ଆଇଆଇସି ଙ୍କ ସହ ଏକଟିମ ସେଠାରେ ତଦନ୍ତ କରିବା ସମୟରେ ହତ୍ୟାକାରି ବିକାଶ ରାୟ ନିଜେ ଥାନାରେ ଆସି ଆତ୍ମସମର୍ପଣ କରିଥିବା ସୂଚନା ମିଳିଛି । ନାବାଳକକୁ ହତ୍ୟା କରି ବିକାଶ ରାୟ ନାବଳକର ମୃତ ଦେହକୁ କମ୍ବଳ ଘୋଡାଇ ନିଜ ଘରେ ଲୁଚାଇ ରଖିଥିଲେ ବୋଲି ନିଜେ ଥାନାରେ ସ୍ୱୀକାର କରିଛନ୍ତି । ତେବେ ପୋଲିସ ସେହି ଗ୍ରାମର ବିକାଶଙ୍କ ଘରୁ ଶବ ଉଦ୍ଧାର କରିବା ସହ ବ୍ୟବଛେଦ ପାଇଁ ଡାକ୍ତରଖାନାକୁ ପଠାଇବା ସହ ବିକାଶଙ୍କ ନାମରେ ମାଲକାନଗିରି ଥାନା କେଶ ନଂ ୩୬୩, ୩୦୨, ୨୦୧, ୩୪ ଆଇ ପି ସି କେଶ ନମ୍ବର ୨୯୩/୨୧ ରେ ଏକ ମାମଲା ରୁଜୁ କରାଯାଇଛି । ଗାଁରେ ଉତ୍ତେଜନା ଲାଗି ରହିଥିବା ବେଳେ ପୋଲିସ ସେଠାରେ ରହି ପରିସ୍ଥିତି କୁ ନିୟନ୍ତ୍ରଣ କରୁଥିବା କଥା ଥାନା ଅଧିକାରୀ ପ୍ରକାଶ କରିଛନ୍ତି ।